Content Details | NUML Online Research Repository

Title الأدب القصصي عند وداد معروف "دارسة تحليلية"

Author(s) Insha Rani

Abstract Abstract وداد معروف کی افسانہ نگاری (تجزیاتی مطالعہ) فنِ قصہ گوئی زمانہ قدیم سے ہی معاشرے کے مختلف پہلؤوں کو اجاگر کرنے میں ایک کلیدی کردار ادا کرتا رہا ہے، جوں جوں زمانے کی ڈوریاں طول پکڑتی گئیں، تقریری ادب کے ساتھ ساتھ تحریری ادب کا دائرہ وسیع ہوتا چلا گیا ، امتدادِ زمانہ کی انہی جولانیوں نے ادب کے اندر نئی جہتوں کو نہ صرف کتابی شکل سے روشناس کرایا بلکہ آدابِ عالم میں فن قصہ نویسی یا فنِ افسانہ نگاری کو ایک معاشرے کی مختصر انداز میں تصویر کشی میں ایک اہم صنف کی صورت میں بھی متعارف کروایا، عصر حاضر میں اس فن کی افادیت سے انکار کسی صورت ممکن نہیں، دور جدید کے عربی ادب میں اس فن کے شاہسواروں میں ایک تابناک نام وداد معروف کا بھی ہے، وداد معروف ایک مصری مصنفہ، افسانہ نگار، اور مصری مصنفین یونین کی ممبر ہیں.انھوں نے ایم-اے کی ڈگری ابلاغِ عامہ (ماس کمیونیکیشن ) میں قاہرہ یونیورسٹی سے حاصل کی. مصنفہ نے افسانوں کے 6 مجموعے تحریر کئے۔ جن میں کل(123)افسانے شامل ہیں، جبکہ ایک اور مجموعہ ضبط ِ تحریر میں آچکا ہے جو ابھی شائع نہیں ہوا۔ 1- ريشة من جناح العشق (دار الإسلام، مصر، 2014م)، يہ مجموعہ 16 افسانوں پر مشتمل ہے، جس کے صفحات کی کل تعداد 124 ہے۔ 2- كارت شحن (دار البشير، مصر، 2016م): يہ مجموعہ 13 افسانوں پر مشتمل ہے، جس کے صفحات کی کل تعداد 128ہے. 3- لكنني أنثى (دار النابغة، مصر، 2017م): يہ مجموعہ 17 افسانوں پر مشتمل ہے، جس کے صفحات کی کل تعداد 99 ہے. 4- همس الملائكة (دار النابغة، مصر، 2018م): يہ مجموعہ 22 افسانوں پر مشتمل ہے، جس کے صفحات کی کل تعداد 110ہے. 5- فستان فضي لامع (مطبعة نانسي، مصر، 2019م): يہ مجموعہ 29 افسانوں پر مشتمل ہے، جس کے صفحات کی کل تعداد 83 ہے. 6- مس كليوباترا (دار نشر أفاتار، 2021م): يہ مجموعہ 27 افسانوں پر مشتمل ہے، جس کے صفحات کی کل تعداد 108 ہے. اس کے علاوہ مصنفہ کے بہت سے مضامین، کہانیاں اور خطوط بھی شائع ہوچکے ہیں۔ ان کے افسانوں کے بارے میں بےشمار تنقیدی اور توصیفی مضامین شائع ہوکر زینتِ قرطاس بن چکے ہیں۔ ان افسانوں میں مصنفہ نے مجموعی طور پر معاشرتی مسائل پر نظر ثانی کی ہے۔ یہ موضوع وداد معروف کے فنِ افسانہ نگاری سے متعلق ہے، یہ مجوزہ تحقیق وداد معروف کے افسانوں کا تجزیاتی طور پر مطالعہ کا موقع فراہم کرے گی۔ اس تحقیق میں تعارف، تمہيد، دو ابواب اور خاتمہ شامل ہیں۔ تعارف تمہيد: وداد معروف: حالاتِ زندگی اور ادبی کام ، بنیادی طور پر دو اجزاء پر مشتمل ہے: پہلا جز: وداد معروف: حالاتِ زندگی اور تعلیم و تربیت۔ دوسرا جز: وداد معروف کی ادبی کاوشیں۔ پہلا باب: مجموعہ (لیکن میں ایک خاتون ہوں) کا تعارف اوربعض افسانوں کا تجزیاتی مطالعہ یہ باب تین فصلوں پر مشتمل ہے: پہلى فصل: مجموعہ لكنني أنثى (لیکن میں ایک خاتون ہوں) کا تجزیاتی مطالعہ۔ دوسرى فصل: مجموعہ لكنني أنثى (لیکن میں ایک خاتون ہوں) کے موضوعات۔ تیسرى فصل: مجموعہ لكنني أنثى (لیکن میں ایک خاتون ہوں) میں افکار وخیالات۔ دوسرا باب: مجموعہ (چمکدار چاندی کا لباس) کا تعارف اوربعض افسانوں کا تجزیاتی مطالعہ یہ باب تین فصلوں پر مشتمل ہے: پہلى فصل: مجموعہ فستان فضي لامع (چمکدار چاندی کا لباس) کا تجزیاتی مطالعہ۔ دوسرى فصل: مجموعہ فستان فضي لامع (چمکدار چاندی کا لباس) کے موضوعات۔ تیسرى فصل: مجموعہ فستان فضي لامع (چمکدار چاندی کا لباس) میں افکار وخیالات۔ خاتمہ: اس میں تحقیق کا خلاصہ، انتہائی اہم نتائج، سفارشات اور تجاویز اور فہرستیں شامل ہیں۔

Type Thesis/Dissertation MS

Faculty Languages

Department Arabic

Language Arabic

Publication Date 2023-06-15

Subject Arabic

Publisher NUML

Contributor(s) Insha Rani

Format

Identifier

Source

Relation

Coverage

Rights